Koʻplab teletomoshabinlarning qalbidan chuqur joy olgan “Osmondagi bolalar” badiiy filmining uchinchi qismi ham suratga olinayotgani haqida xabar bergan edik. Filmning AQSHdagi tasvirga olish ishlari oʻtgan yilning 29-dekabrida oʻz nihoyasiga yetdi.
Shu bilan bir qatorda filmning tasvirga olish ishlari ham toʻliq yakuniga yetkazildi. Endilikda ijodiy guruh montaj va ovozlashtirish ishlariga kirishadi.
Ushbu filmning birinchi va ikkinchi qismlari xalqimizga manzur boʻlgan va tomoshabinlar qalbidan joy olgan edi. Filmning uchinchi qismida qahramonlarning voyaga yetgan davrlaridagi voqealar haqida soʻz boradi.
Film postanovkachi rejissyori Zulfiqor Musoqov, ikkinchi rejissyor Muattar Mirredjabova, postanovkachi operator Azizbek Arziqulov, postanovkachi rassom Mariya Soshina, liboslar boʻyicha rassom Irina Litvinenko, kartina direktori Shuhrat Hamidullayev.
