“Oʻzaeronavigatsiya” Markazi DUK yangi tariflarni eʼlon qildi

Transport 24 may 2021, 14:05 1 231

Oʻzbekiston Respublikasi Prezidentining 2021-yil 30-apreldagi “Fuqaro aviatsiyasi korxonalarini transformatsiya qilish va qoʻllab-quvvatlash chora-tadbirlari toʻgʻrisida”gi qarorining 12-bandi bilan “Oʻzaeronavigatsiya” Markazi davlat unitar korxonasiga chet el aviakompaniyalarga xizmatlarni koʻrsatish (eksport) uchun narxlarni xorijiy valyutada belgilashga ruxsat berilgan. Bu haqda Oʻzbekiston Respublikasi Transport vazirligi Axborot xizmati xabar qiladi.

2021-yil 1-iyundan boshlab Oʻzbekiston Respublikasi aeroportlarida qoʻnish bilan parvozlarni amalga oshiruvchi, Oʻzbekiston Respublikasining norezidentlari – aviakompaniyalari uchun Havodagi Harakatga Xizmat koʻrsatish (HHX) xabarnomalarini va flayt-planlarni ishlanishi uchun tariflar va aerodrom rayonidagi aeronavigatsion xizmatlari uchun tariflar, erkin - konvertatsiya qilinadigan valyutada nashr etiladi va quyidagi miqdorlarda belgilanadi:

• Aerodrom rayonida yoʻnalish (yaqinlashuvi) boʻyicha aeronavigatsion xizmatlari 50 AQSH dollari (QQS hisobga olinmasdan);

• Havo kemasini uchish /qoʻnishini taʼminlash vaqtida aeronavigatsion xizmatlari - havo kemasining maksimal koʻtarilish vaznining har bir tonnasi uchun 5 AQSH dollari (QQS hisobga olinmasdan);

• Flayt-planlarni ishlanishi - 16 AQSH dollari (QQS hisobga olinmasdan)

• Havodagi Harakatga Xizmat koʻrsatish (HHX) xabarnomalarini ishlanishi - 16 AQSH dollari (QQS hisobga olinmasdan)