Iqtisodiy tadqiqotlar va islohotlar markazi O'zbekiston avtomobil bozoridagi vaziyatni muntazam baholab boradi.
Sentyabr oyida sotilgan avtotransport vositalarining umumiy soni 122,8 mingtani tashkil etdi, bu avgust oyiga nisbatan 3 foizga ko'pdir.
Yil boshidan buyon 1,1 million dona avtomobil sotildi, bu o'tgan yilning shu davriga nisbatan 2 barobar ko'p.
Umuman olganda, 2022-yil 1-maydan boshlab import qilinadigan avtomobillarni olib kirish uchun bojxona bojlari pasayganiga qaramay, yil boshidan buyon ularni sotish hajmi 1,3 barobardan oshmadi, mahalliy avtomobillarni sotish esa ushbu davrda 1,6 barobarga oshdi.
Xususan, sentyabr oyida mahalliy ishlab chiqarilgan yangi engil avtomobillar savdosi 26 mingtani tashkil etdi, bu avgust oyiga nisbatan 58 foizga o'sdi (2021-yil sentyabr oyiga nisbatan sotuvlar hajmi 2,9 barobar oshgan) degani.
Mahalliy avtomobillarning birlamchi bozori
2021-yil sentyabr oyiga nisbatan birlamchi bozorda avtomobillarning oylik savdosi 2,3 barobar (+16,8 ming) oshdi.
Shu bilan birga, bir oy ichida birlamchi avtomobil bozorida taklif hajmi 43 foizga oshdi, bu esa avgust oyi oxirida UzAuto Motors tomonidan yangilangan Chevrolet Tracker avtomobillariga shartnomalar berish bilan bog'liq.
Ikkilamchi avtomobil bozori
Yangi avtomobillar etkazib berish hajmining ortishi hisobiga sentyabr` oyida ikkilamchi bozorda sotuvlar joriy yilning avgust oyiga nisbatan 5,4 foizga (93 mingta avtomobil`) kamaydi.
Xorijiy avtomobillarning birlamchi bozori
Joriy yilning sentyabr oyida xorijda ishlab chiqarilgan yangi avtomobillar sotuvi soni 1,9 mingtani tashkil etdi va oyiga 1,6 foizga o'sdi.
Dar`ya Miroshnikova,
Iqtisodiy tadqiqotlar va islohotlar markazi xodimi
