Unda Klaus Mangold ilgari Germaniya kiyim-kechak brendlarining oʻzbek toʻqimachilik korxonalari bilan hamkorlikka qiziqishi oshib borayotgani haqida gapirdi.
Uchrashuvda taʼkidlanishicha, Yevropa Ittifoqining qator yirik chakana savdo doʻkonlari va kiyim-kechak brendlari Oʻzbekistondagi toʻqimachilik kompaniyalari bilan hamkorlik qilish imkoniyatlarini koʻrib chiqyapti.
Oʻzbekiston, boshqa jahon ishlab chiqaruvchilaridan farqli oʻlaroq, katta afzalliklarga ega:
- mavjud qoʻshilgan qiymatli toʻqimachilik mahsulotlarini ishlab chiqarish zanjirining mavjudligi;
- Yevropa qitʼasiga yaqinligi sababli mavjud logistika kanallari (tez yetkazib berish muddatlari).
Bundan tashqari, Oʻzbekiston yangi ishlab chiqaruvchi va moda va dizaynda oʻzgacha qarashga ega davlat boʻlishi mumkin.
Maʼlumot uchun, Klaus Mangold Daimler Chrysler AG, TUI AG (Germaniya), Alstom S.A. (Fransiya), Ernst &Young (SSHA), Metro AG (Germaniya) va Continental AG (Germaniya), Rothschild GmbH (Frankfurt-na-Mayne) kompaniyalarida kuzatuv kengashining raisi aʼzosi sifatida faoliyat yuritgan.
K.Mangoldning soʻzlariga koʻra, Pandemiya sharoitida koʻplab Germaniya kompaniyalari toʻqimachilik taʼminot zanjirlarini qayta koʻrib chiqyapti, bunga nemis toʻqimachilik mashinasozligi sanoatining rivojlanishi toʻqimachilik mahsulotlarini ishlab chiqarilishiga bevosita bogʻliq boʻlgan sabab boʻladi. Shu bilan birga, Germaniya toʻqimachilik siyosatini qayta koʻrib chiqyapti.
Germaniyaning Xalqaro hamkorlik jamiyati va Gherzi xalqaro konsalting kompaniyasi bilan birgalikda “Eksportni rivojlantirish va moda inkubatori” loyihasi, Better Cotton Initiatives bilan hamkorlikni chuqurlashgani va Oʻzbekistonning GSP+ preferensiyalari benefitsiari boʻlishi boʻyicha arizasi Yevrokomissiya tomonidan maʼqullanganligiga alohida toʻxtalib oʻtildi.
Germaniyalik mehmonlarni Cotton Campaign koalitsiyasi bilan hamkorlikda erishilgan katta natijalar va Xalqaro Mehnat Tashkilotining 2020-yil hosili natijalari koʻra hisobotida Oʻzbekistonda paxta terimi paytida majburiy mehnat omillari mavjudmasligi ilk bora tasdiqlangani katta qiziqish uygʻotdi, deb xabar beradi “Oʻztoʻqimachiliksanoat” uyushmasi matbuot xizmati.
Uchrashuv davomida doktor Mangold oʻzbek ishlab chiqaruvchilari va Yevropa Ittifoqi isteʼmolchilari oʻrtasida koʻprik boʻlib xizmat qiladigan Yevropa-Oʻzbekiston iqtisodiy hamkorlik assotsiatsiyasi (Eurouz) tashabbusi haqida ham gapirdi. Eurouz – Bosh qarorgohi Bryusselda joylashgan Oʻzbekistondagi Yevropa ishbilarmon doiralari manfaatlarini ifoda etuvchi nodavlat biznes uyushmasining loyihasi. EUROUZ tomonidan ishlab chiqilayotgan elektron platforma orqali oʻzbekistonlik ishlab chiqaruvchilar oʻz mahsulotlarini Yevropa bozoriga taqdim etishlari mumkin.
2020-yil natijalariga koʻra Oʻzbekiston Yevropa mamlakatlariga 288,0 million dollarlik toʻqimachilik mahsulotlarini eksport qilgan, shundan 2019-2020-yillarda Germaniyaga 14,0 million dollarlik mahsulot eksporti amalga oshirilgan.
