Shunday qilib, toifaga qarab har bir oʻsimlik uchun quyidagi miqdorlar olinadi:
- yoʻqolib ketish xavfi ostida turgan turlar – BHMning 10 baravari;
- noyob turlar – BHMning 4 baravari;
- kamayib borayotgan turlar – BHMning 2,5 baravari.
Shuningdek, hayvonot dunyosidan foydalanish qoidalarini buzish natijasida yetkazilgan zarar uchun jarima miqdori 10 barobarga oshirildi.
Masalan, quyidagi jarimalar miqdori belgilanadi:
- bitta qor qoplonini yoʻq qilganlik uchun Oʻzbekiston fuqarosidan BHMning 3 000 baravari, xorijiy fuqarolar va yuridik shaxslardan esa 400 000 AQSH dollari undiriladi;
- bitta echkini yoʻq qilganlik uchun Oʻzbekiston fuqarosidan BHMning 2 000 baravari, xorijiy fuqarolar va yuridik shaxslardan esa 300 000 AQSH dollari undiriladi;
- bitta saygʻoq yoki jayronni yoʻq qilganlik uchun Oʻzbekiston fuqarosidan BHMning 500 baravari, xorijiy fuqarolar va yuridik shaxslardan esa 50 000 AQSH dollari undiriladi;
- bitta tuvaloq yoʻq qilganlik uchun Oʻzbekiston fuqarosidan BHMning 1 000 baravari, xorijiy fuqarolar va yuridik shaxslardan esa 100 000 AQSH dollari undiriladi.
