Yoshlar oyligi doirasida qator loyihalar, intellektual tanlovlar, uchrashuvlar, sport musobaqalari hamda gala konsertlar oʻtkazilishi rejalashtirilgan.
Oylikning ilk kuni Qoraqalpogʻiston Respublikasida 3-iyun kuni start oldi.
Yoshlar festivallari quyidagi sanalarda barcha hududlarda boʻlib oʻtadi:
Xorazm viloyati 5-iyun, Buxoro viloyati 8-iyun, Navoiy viloyati 10-iyun, Surxondaryo viloyati 12-iyun, Qashqadaryo viloyati 14-iyun, Samarqand viloyati 16-iyun, Namangan viloyati 18-iyun, Sirdaryo viloyati 20-iyun, Andijon viloyati 22-iyun, Fargʻona viloyati 24-iyun, Toshkent viloyati 25-iyun, Toshkent shahri 30-iyun.
Inson hayotidagi unutilmas lahzalarning eng esda qolarlisi va zavqlisi yoshlik xotiralari bilan bogʻliq. Yoshlik – bebaho boylik, oʻz soʻzini aytish, isteʼdod va qobiliyatlarni ruyobga chiqarish orqali oʻzini dunyoga namoyon qilish imkoniyati.
Yurtimizda 30-iyun — “Yoshlar kuni” munosabati bilan “Yoshlar oyligi” eʼlon qilinib, turli tadbir hamda loyihalar, xususan, intellektual tanlovlar, uchrashuvlar, sport musobaqalari, gala konsertlar oʻtkazilmoqda.
Mamlakatimizda soʻnggi yillarda amalga oshirilayotgan ijtimoiy-siyosiy va iqtisodiy islohotlar natijasida taraqqiyotning mutlaqo yangi bosqichiga qadam qoʻyildi. Shu yillarda barcha sohalarda boʻlgani kabi yoshlarga oid davlat siyosatida ham tarixiy va olamshumul oʻzgarishlar roʻy berdi.
