Kecha Tailandda velosportning shosse yoʻnalishi boʻyicha kattalar, yoshlar va paravelosportchilar oʻrtasida oʻtkazilgan Osiyo chempionati yakunlandi.
Toʻqqiz kun davom etgan qitʼa chempionatida Hamyurtlarimiz musobaqada 3 ta oltin va 1 ta bronza, jami 4 ta medalni qoʻlga kiritib, umumjamoa hisobida ikkinchi boʻlishdi.
Medallar aralash estafeta hamda ayollar oʻrtasidagi bellashuvlarda qoʻlga kiritildi.
Veloshosse boʻyicha Osiyo chempionatida gʻolib va sovrindor boʻlgan sportchilar:
Oltin:
- Yanina Kuskova
- Samira Ismoilova (U-18)
- Aralash jamoaviy estafeta (U-18).
Bronza:
- Asal Rizayeva.
Endi hamyurtlarimiz Kuala-Lumpurda (Malayziya) boʻlib oʻtadigan velotrek boʻyicha Osiyo chempionatida gʻoliblik uchun bahs olib boradi.
