Ushbu kun dasturida startga chiqqan atletlarimiz 4ta oltin, 2ta kumush va 2ta bronza medallariga sazovor boʻldilar. Hamyurtlarimizdan Sabina Suxanova (yugurish), Asila Mirzayorova (uzunlikka sakrash), Nurxon Qurbonova (nayza uloqtirish) va Maʼrufjon Murodullayev (yugurish) delegatsiyamiz hisobiga oltin medallarni qoʻshib qoʻyishdi. Musobaqaning soʻnggi kun gʻolib va sovrindorlari:
Sabina Suxanova (yugurish T37) – Oltin
Asila Mirzayorova (uzunlikka sakrash T11) – oltin
Nurxon Qurbonova (nayza uloqtirish F54) – oltin
Maʼrufjon Murodullayev (yugurish T46) – oltin
Dilafruz Ahmadxonova (yadro uloqtirish F35) – kumush
Mohigul Hamdamova (yadro uloqtirish F57) – kumush
Kubaro Hakimova (nayza uloqtirish F41) – bronza
Omad Hasanov (balandlikka sakrash T46) – bronza
Shu tariqa, para-yengil atletika boʻyicha Oʻzbekiston terma jamoasi Dubay Gran-prisida 13 ta oltin, 5 ta kumush va 6 ta bronza, jami 24 ta medal qoʻlga kiritdi.
Bu bilan vakillarimiz Tokio-2020 Paralimpiya oʻyinlari uchun oʻta muhim reyting ochkolarini ham jamgʻarib olishdi, deb xabar beradi Oʻzbekiston Milliy olimpiya qoʻmitasi matbuot xizmati.
