Bu haqda davlat xizmatlarining Yagona portali matbuot xizmati xabar beradi.
Koʻpchilik hali 2005-yildan kuchga kirgan Oʻzbekiston Respublikasining “Fuqarolarning jamgʻarib boriladigan pensiya taʼminoti toʻgʻrisida”gi Qonunidan bexabar. Aksariyat kishilar shaxsiy jamgʻarib boriladigan pensiya hisob- varagʻidagi mablagʻ nafaqaga chiqqanida har oy oladigan pensiya pulidan tashqari mablagʻ ekanligidan bexabar. Bu haqida maʼlumotga ega boʻlganlar esa hisob- varagʻiga qancha mablagʻ yigʻilganini bilish uchun bankka tez-tez qatnab turadi. Axir, bu nafaqaga chiqqanda yillar davomida toʻplanib turgan mablagʻni (har oylik pensiyadan tashqari) bir marotaba ulgurji yoki boʻlib-boʻlib olish imkoniyatiku.
my.gov.uz manzilida nafaqat “Shaxsiy jamgʻarib boriladigan pensiya hisob- varagʻi holati haqida maʼlumot”ga ega boʻlish, balki tegishli maʼlumotnomani tez va oson yuklab olish imkoniyati ham bor.
Maʼlumot oʻrnida: duch kelingan muammo va xatoliklar yuzasidan Xalq bankining (71) 210-20-02 yoki 1106 ishonch raqamlariga 24 soat davomida murojaat qilishingiz mumkin.