Qozog'iston Prezidenti Qasim-Jomart Toqayev Kaspiy dengizining sayozlashishi o'nglab bo'lmas holatga kelib qolishi va jiddiy oqibatlar zanjirini keltirib chiqarishi mumkinligi haqida ogohlantirdi, deb xabar berdi tass.ru.

“Kaspiy dengiziga kelsak, hozirgi sayozlashish sur'ati bilan bu xavfli jarayon o'nglab bo'lmas bo'lib qolishi mumkin, bu muqarrar ravishda ekologik, ijtimoiy-iqtisodiy va hatto siyosiy oqibatlarning zanjirli reaktsiyasini keltirib chiqaradi. Qozog'iston ekotizimning yo'q qilinishi va Kaspiy dengizining sayozlashishining oldini olishga qaratilgan maxsus davlatlararo dasturni ishlab chiqishni boshladi”, dedi u Ashxoboddagi Xalqaro tinchlik va ishonch forumida so'zga chiqib.

Qosim-Jomart Toqayev butun xalqaro hamjamiyatni Kaspiy dengizini saqlab qolish bo'yicha sa'y-harakatlarni qo'llab-quvvatlashga chaqirdi. “Umuman olganda, mening fikrimcha, suv diplomatiyasi yaqin davlatlararo muvofiqlashtirishni talab qiladi. Mavjud xalqaro institutlar tor vakolatlar doirasida, parchalanib ishlashga moyil, bu esa tobora ortib borayotgan suv muammolari ko'lamiga mos kelmaydi”, dedi Prezident.