Qonunchilik palatasi deputati Rasul Kusherboyevning maʼlum qilishicha, qonun loyhasiga koʻra 2021-yil 1-maydan 2022-yil 30-aprelga qadar boʻlgan davrda quyidagilar qoʻshilgan qiymat soligʻidan ozod qilinadi:

Oʻzbekiston Respublikasi hududiga oʻsimlik yogʻi, kungaboqar va zigʻir urugʻi, shuningdek soya danagini olib kirish;

oʻsimlik yogʻini (paxta yogʻidan tashqari) ishlab chiqarish va (yoki) realizatsiya qilish boʻyicha aylanma.

Shuningdek, 2021-yil 10-oktyabrdan 2022-yil 30-aprelga qadar boʻlgan davrda goʻsht (mol, qoʻy, tovuq), tirik hayvonlar (qoramol va parranda) va ularni soʻyishdan olingan mahsulotlarni, kartoshkani hamda muzlatilgan baliqni realizatsiya qilish boʻyicha aylanma, shuningdek ularni Oʻzbekiston Respublikasi hududiga olib kirish qoʻshilgan qiymat soligʻidan ozod qilinadi.

Taʼkidlash oʻrinliki, ushbu qonunni qabul kilish Davlat byudjetining 800,0 mlrl. coʻm atrofida daromadlari yoʻqolishiga olib keladi. Yoʻqotilgan summani soliq va bojxona maʼmurchiligini takomillashtirish, shuningdek, alohida imtiyozlarni bekor qilish boʻyicha takliflar hisobiga qoplash koʻzda tutilmoqda.