Bosh prokuratura huzuridagi Departamentning Qonlikoʻl tuman boʻlimi tomonidan oʻtkazilgan tergovga qadar tekshiruvda, “N.K.” MCHJ va “Ya.B.I.” kompaniyasi masʼul shaxslari oldindan oʻzaro til biriktirib, “Doʻstlik” MFY hududida obodonlashtirishdagi qurilish-taʼmirlashda hujjatlarga amalda bajarilmagan ishlarni qoʻshib yozish orqali 224,4 mln soʻmni oʻzlashtirish yoʻli bilan talon-toroj qilganliklari aniqlangan
Mazkur holat yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qoʻzgʻatilib, tergov harakatlari oʻtkazilmoqda.