“Ular ochiqlangan (qora qutilardagi ma'lumotlar), Qozog'istonga qaytarildi va Bosh prokuratura huzuridagi tergov guruhida. Ular ustida barcha ekspertlar ishlamoqda. Hozirda bu qora qutilarning nusxalari Ozarbayjonda ham, Rossiyada ham bor. Bizda yashiradigan hech narsa yo'q” dedi u.

Bosh vazir o'rinbosarining aniqlik kiritishicha, internetda chop etilgan qora qutilar stenogrammasi asl nusxadan farq qiladi.

Samolyot halokati bo'yicha dastlabki hisobot kelasi hafta e'lon qilinishi mumkin, deya qo'shimcha qildi Bozumbayev.

25-dekabr kuni ertalab Qozog'iston g'arbidagi Aqtau shahri yaqinida Bokudan Grozniyga uchayotgan Ozarbayjon havo yo'llari aviakompaniyasining Embraer 190 samolyoti halokatga uchradi. Samolyot bortida besh nafar ekipaj a'zosi va 62 nafar yo'lovchi bo'lgan, ulardan 16 nafari rossiyalik, jumladan, 11 yoshli qiz, 37 nafari Ozarbayjon, olti nafari Qozog'iston va uch nafari Qirg'iziston fuqarosi.

Qozog'iston Sog'liqni saqlash vazirligi ma'lumotlariga ko'ra, 29 kishi tirik qolgan. Jarohatlangan 9 nafar rossiyalik Favqulodda vaziyatlar vazirligining maxsus reysi bilan Moskva shifoxonalariga olib ketilgan, deb xabar beradi ria.ru.