Shu yilning 26-avgust kuni Samarqand shahrida “Sharq taronalari” XIII xalqaro musiqa festivalining tantanali ochilish marosimi boʻlib oʻtdi.
Samarqand mezbonligidagi “Sharq taronalari” musiqa festivali ochilish marosimida Prezident yordamchisi Saida Mirziyoyeva ishtirok etib, oʻzining taassurotlari bildirdi.
— Har safar “Sharq taronalari” festivalida Samarqandni sehrli kuy-ohanglar chulgʻab oladi. Mana, kecha ham Registon maydonida yana ertakona muhit hukm surdi, — deb yozadi Saida Mirziyoyeva.
Bu bayram birdamlik, hamjihatlik kayfiyatini baxsh etuvchi musiqa va madaniyatdan bahramand boʻlish uchun noyob imkoniyatdir.
YUNESKO va AYSESKO shafeligida oʻtkazib kelinayotgan “Sharq taronalari” xalqaro musiqa festivali oʻn uchinchi marta yer yuzining sayqali Samarqandga oʻzgacha fusun, bayram shukuhini ulashdi.
“Sharq taronalari” festivali doirasida boʻlib oʻtayotgan ilmiy-amaliy konferensiyada amerikalik Tanya MERCHANTni dutor chalayotgan holatda uchratib xursand boʻlgan boʻlsak, uning toʻliq oʻzbek tilida intervyu berganidan boshimiz koʻkka yetdi.
“Sharq taronalari” XIII xalqaro musiqa festivalining ochilish marosimi oldidan Samarqand shahridagi “Yoshlar markazi”da festivalga bagʻishlangan brifing boʻlib oʻtdi. Unda xalqaro nufuzli tadbirni yoritish maqsadida tashrif buyurgan xorijiy va mahalliy OAV vakillari, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi hamda Madaniyat vazirligi ishtirok etishdi.
