Bu haqda Rossiya tashqi ishlar vaziri Sergey Lavrov Davlat dumasi yalpi majlisidagi hukumat soatida soʻzlagan nutqida maʼlum qildi.
“Endi biz mehnat muhojirlarining asosiy qismini taʼminlovchi davlatlar bilan shunday markazlar ochishni talab qilyapmiz. Bular Qirgʻiziston, Tojikiston va Oʻzbekiston. Biz mehnat muhojirlarini tayyorlash markazlari shu davlatlarda tashkil etilishi haqida ular bilan kelishyapmiz”, — dedi u.
Vazirning soʻzlariga koʻra, bunday markazlar migrantlarni rus tiliga va Rossiya Federatsiyasi qonunchiligini bilishga oʻrgatishi mumkin, deb yozadi “TASS”.
S.Lavrov muhojirlar bilan bogʻliq yuzaga kelgan vaziyat, xususan, ular bilan bogʻliq hodisalar haqida gap ketganda, jamiyatda emotsional reaksiyaga sabab boʻlayotganini taʼkidladi. U shuningdek, hozirda bu muammoga Ichki ishlar vazirligi tomonidan juda jiddiy eʼtibor qaratilayotganini ham taʼkidladi.
“Bu jarayonlar bugun jamiyatda noaniq reaksiyaga sabab boʻlayotgani aniq, biz qoʻshni respublikalardan kelgan mehnat muhojirlari bilan bogʻliq turli hodisalar hissiy jihatdan qanday qabul qilinayotganini koʻrib turibmiz”, — deya qoʻshimcha qildi u.
Shu bilan birga, Rossiya tashqi ishlar vaziri taʼkidlaganidek, Rossiya Federatsiyasidagi mehnat migratsiyasi masalasini BAA yoki Qatarda ishlayotgan mehnat muhojirlari bilan taqqoslab boʻlmaydi, chunki MDHdan kelganlar avvallari bitta davlat fuqarolari boʻlgan.
“Bizning holatda, bu hali ham yaqinda sodir boʻlgan tarixiy, lekin shu bilan birga, albatta, oddiy odamlarning, ammo shu jumladan oʻzining katta yagona vatanida ish qidirib harakat qilishga odatlanganlar hayotiga ham salbiy taʼsir koʻrsatdi”, — dedi vazir.
