Saida Mirziyoyeva Bryusselda Yevropa komissiyasi prezidenti bilan uchrashdi.
Bu haqda u oʻz sahifasida yozib qoldirdi. Prezident administratsiyasi rahbari kecha, 9-oktyabr kuni Bryusselda Global Gateway forumida ishtirok etgan. Tadbir doirasida Yevropa komissiyasi prezidenti Ursula fon der Lyayen bilan uchrashgan.
“Fon der Lyayen xonim bilan muloqotdan mamnun boʻldim, Oʻzbekiston—Yevropa hamkorligi yanada mustahkamlanib borishiga ishonchim komil”, deydi Saida Mirziyoyeva.
AQSHning Janubiy va Markaziy Osiyo boʻyicha maxsus vakili, elchi Serjio Gor yangi tashkil etilgan AQSH–Oʻzbekiston Ishbilarmonlik va Investitsiya Kengashiga Saida Mirziyoyeva bilan birgalikda hamrais sifatida rahbarlik qilishi maʼlum qilindi.
Nukus shahridagi 12 ta oilaviy poliklinika va 3 ta jamoat maskanida aholi diagnostikadan oʻtkazilmoqda. Shuningdek, bemorlarni yoʻnaltirish va raqamlashtirish tizimi joriy etilmoqda.
Prezident administratsiyasi rahbari Saida Mirziyoyeva Oʻzbekiston terma jamoasini Qirgʻizistonda oʻtkazilgan Zakovat Asian Cup II musobaqasi gʻolibi boʻlganligi bilan tabrikladi.
