Shunday qilib, Sitsiliya va Tunis oʻrtasida Oʻrta Yer dengizda joylashgan Linoza orolida COVID-19 bilan kasallangan bironta ham odam yoʻq. Orolga faqat paromda borish mumkin, bunga 12 soat vaqt ketadi. Mahalliy aholining soʻzlariga koʻra, dunyoda pandemiya boshlanganidan beri orolda hech narsa oʻzgarmagan. Shahar hokimi Toto Marteloning taʼkidlashicha, aholi “begonalardan shubhalanadi va oʻz xavfsizligini himoya qiladi”. Orolga kelishdan oldin barcha kelganlar koronavirus testini topshirishlari kerak.
Shuningdek, Tremiti arxipelagida ham shu paytgacha birorta ham koronavirus holati qayd etilmagan. Uning aholisi asosan ikkita asosiy orolda – San-Nikola va San-Dominoda istiqomat qiladi. Qolgan uchta Tremiti orollarida odamlar yashamaydi. Parom bilan bir soatlik masofada joylashgan Termoli materik porti qattiq nazoratga ega. Barcha kelgan yoki ketayotgan sayohatchilarning tana harorati qayd qilinadi va ularning shaxsiy guvohnomalari tasdiqlanadi.
Shuningdek, Felicudi va Alikuda orollari ham koronavirusdan holi makon hisoblanmoqda.
