“Vall dʻHebron dunyodagi birinchi toʻliq robotlashtirilgan oʻpka transplantatsiyasini amalga oshirdi”, deb yozadi shifoxona Twitterda.
Tibbiy muassasaning nashrida taʼkidlanganidek, operatsiya minimal invaziv usullardan foydalanishni oʻz ichiga olgan. Bundan tashqari, shikastlangan oʻpkani olib tashlash va koʻkrakning pastki qismida 8 sm kesishni amalga oshirib yangi organni oʻrnatish uchun yangi yondashuv ishlab chiqildi.
“Bu endi qovurgʻalarni surish va koʻkrak qafasini ochish orqali katta teshik hosil qilishning hojati yoʻqligini anglatadi, hozirgacha bu yagona imkoniyat hisoblangan”, deyiladi nashrda.
Operatsiya oʻpka fibrozi tufayli oʻpka transplantatsiyasiga muhtoj boʻlgan 65 yoshli erkakda oʻtkazildi.
Anʼanaviy koʻkrak qafasini ochadigan oʻpka transplantatsiyasi usuli juda agressiv boʻlib, bemorning tiklanishi uzoq vaqtni talab qiladi va bu qiyin kechadi, deyiladi ria.ru saytida.
“Jarrohlikdagi ushbu yangi texnologiya teri, yogʻ va mushaklarning kichik qismini kesishga imkon beradi va tezda tuzalib ketadigan yara qoldiradi. Bu nafaqat anʼanaviy usuldan ancha xavfsiz, balki deyarli ogʻriqsizdir. “Bu tarixiy voqea, biz ishonamizki, minglab bemorlarning hayoti yaxshilanadi”, dedi Vall d"Hebron kasalxonasi koʻkrak qafasi jarrohligi va oʻpka transplantatsiyasi boʻlimi boshligʻi Albert Jauregi.
