Uchrashuvda ikki tomonlama hamkorlikni kengaytirish masalalari muhokama etildi. Jumladan, umumiy qiymati 3,4 milliard yevro boʻlgan qoʻshma loyihalarni amalga oshirish masalalari koʻrib chiqildi. Ular qatorida Surxondaryo viloyatida bugʻ-gaz elektr stansiyasini, “Navoiazot” aksiyadorlik jamiyati negizida fotoelektr va issiqlik elektr stansiyalarini qurish loyihalari ham bor.
Bundan tashqari, uchrashuvda raqamlashtirish, metallurgiya, elektrotexnika, vodorod energetikasi, neft-gaz sanoatini rivojlantirish boʻyicha hamkorlik istiqbollari belgilab olindi.
Muzokaralar yakunlariga koʻra, aniq investitsiya loyihalari, ularni amalga oshirish boʻyicha bosqichma-bosqich mexanizmlari va muddatlarini oʻz ichiga olgan qoʻshma “Yoʻl xaritasi”ni tasdiqlashga kelishildi, deb xabar beradi Investitsiyalar, sanoat va savdo vazirligi matbuot xizmati.