Ikki yil oldin aylanmadan soliq toʻlovchilar buxgalteriyasini soliqchi yuritadigan tizim qilindi.
Bunday xizmatlar koʻlami kengaytiriladi.
Kelgusi yildan yer, mol-mulk, ijtimoiy va daromad soliqlari hisobotlarini shakllantirish boʻyicha tadbirkorlar majburiyati bekor qilinadi.
Ushbu hisobotlarni soliqchilarning oʻzi bepul toʻldirib beradi. Tadbirkorlar esa 5 kunda hisobotga tuzatish kiritishi mumkin boʻladi.
Hisobotni kechiktirgani uchun kichik va yirik biznes bir xil jarima toʻlayapti, eng yomoni – har bir hisobot turi uchun alohida-alohida jarima bor.
Soliq qoʻmitasiga 1-noyabrdan boshlab taqdim etilmagan yoki kechiktirilgan soliq hisobotlari nechta boʻlishidan qatʼi nazar, yagona jarima qoʻllaydigan tizim yaratish topshirildi.
Bunda kichik biznes uchun jarimalar miqdori 3 karra kamaytiriladi.
