Qayd etilishicha, fazoviy qurilma Moskva vaqti bilan 9:24 da (Toshkent vaqti bilan 11:24 da) atmosferaning zich qatlamlariga kirgan va Hind okeanidagi Oʻrta Andaman orolidan 560 kilometr gʻarbda qulagan.
“Kosmos-482” qurilmasi — 1972-yil 31-martda Sovet Ittifoqining Venerani oʻrganish boʻyicha sayyoralararo dasturi doirasida uchirilgan qurilma hisoblanadi. Uning uchirilish maqsadi Veneraning zich atmosferasi, harorati, bosimi, yoritilishi va yuzasining tarkibini oʻrganish edi. “Roskosmos” xabariga koʻra, harakat blokidagi nosozlik sababli qurilma Yerning yuqori elliptik orbitasida qolgan va asta-sekin sayyoraga yaqinlashib, qulagan.
Eslatib oʻtamiz, avvalroq ayrim ekspertlar tomonidan 53-yil oldin “Venera-8” missiyasi doirasida uchirilgan “Kosmos-482” kosmik apparatning Osiyo yoki Markaziy Osiyo davlatlari hududiga qulashi mumkinligini taxmin qilinayotgan edi.
