“Oʻzbekkosmos” agentligi va “STAR.VISION” kompaniyasi oʻrtasida imzolangan memorandumga koʻra, ushbu yoʻldoshga “Samarqand-2028” nomi beriladi.
Bu nom 2028-yilda Samarqandda oʻtkaziladigan “Xalqaro astraonavtika kongressi” bilan bogʻliq ramziy ahamiyatga ega.
Memorandum doirasida yana bir muhim jihat — yoʻldosh uchun sunʼiy intellekt modulini aynan “Oʻzbekkosmos” agentligi mutaxassislari ishlab chiqadi. Ushbu modul yuqori aniqlikdagi kosmik suratlardan samarali foydalanish imkonini beradi.
Maʼlumotlarga koʻra, “Samarqand-2028” yoʻldoshi Yerni masofadan zondlash (DZZ) texnologiyalari asosida qator sohalarda qoʻllaniladi. Jumladan:
- havo sifatini birlamchi baholash;
- qishloq xoʻjaligi ekinlarini monitoring qilish;
- oʻrmon maydontlari holatini kuzatib borish.
Oʻzbekistonning ushbu xalqaro kosmik loyihada ishtirok etishi mamlakatning fazoviy texnologiyalar sohasidagi rivojlanish yoʻlida yana bir muhim qadam sifatida baholanmoqda.
