Surxondaryolik oʻquvchi xalqaro koʻrik-tanlovda Gran-Prini qoʻlga kiritdi

    Joriy yilning 25-27-mart kunlari Rossiyaning Sankt-Peterburg shahrida “Zolotoy feniks” xalqaro tanlovi boʻlib oʻtdi.

    Unda Surxondaryo viloyati Sherobod tumani 50-umumiy oʻrta taʼlim maktabi 10-sinf oʻquvchisi Sadoqat Mirzayeva ishtirok etib, tanlovning oliy oʻrni — Gran-prini qoʻlga kiritdi.

    20 ga yaqin davlat vakillari ishtirok etgan mazkur tanlovda Oʻzbekistonning chekka togʻli qishlogʻida qatnashgan oʻquvchi-qiz tashkilotchilarning esdalik sovgʻalari hamda 25 ming rubl pul mukofotini qoʻlga kiritib, Vatanimiz sanʼati va madaniyatini yana bir bor muvaffaqiyatli namoyish etishga muyassar boʻldi.