Oʻzbekiston va Yevropa Ittifoqi oʻrtasidagi hamkorlikning dolzarb masalalari yuzasidan atroflicha fikr almashildi. Terrorizm, ekstremizm, transmilliy jinoyatchilik va giyohvand moddalarning noqonuniy aylanishi tahdidlariga qarshi kurashish yoʻnalishidagi hamkorlikni kengaytirish zarurligi qayd etildi.
Yevropa Ittifoqi vakillari Oʻzbekistonning fuqarolarni, ayniqsa, mojaro hududlaridan ayollar va bolalarni qaytarish hamda jamiyatga reintegratsiya qilish tajribasini yuqori baholadi.
Afgʻoniston yoʻnalishidagi hamkorlik masalalariga alohida eʼtibor qaratildi. Afgʻonistondagi vaziyatni tartibga solish boʻyicha muntazam muloqotni davom ettirishdan oʻzaro manfaatdorlik bildirildi. Shu nuqtai nazardan, tomonlar joriy yil 26-mayda Ashxobodda (Turkmaniston) Yevropa Ittifoqi va Markaziy Osiyo davlatlarining Afgʻoniston boʻyicha maxsus vakillarining toʻrtinchi uchrashuvi muvaffaqiyatli oʻtganini olqishladilar, deb xabar beradi Tashqi ishlar vazirligi matbuot xizmati.
