Bugun Toshkent metropoliteni vagon parkiga yana yangi toʻrt vagonli 3 ta zamonaviy metro poyezdlari olib kelindi, deya xabar beradi metropoliten matbuot xizmati.
Taʼkidlanishicha, ushbu harakat tarkiblari belgilan yoʻriqnomaga asosan, 7-10 kun davomida texnik sinovdan oʻtkazilib, soʻngra yoʻlovchilarga xizmat qilishi yoʻlga qoʻyiladi.
Shuningdek, yoʻnalishlardagi vaqt intervallarini yanada qisqartirish maqsadida, yangi harakat tarkiblari asosan, “Yer usti halqa yoʻli yoʻnalishi”da harakatga chiqariladi.
Maʼlumotlarga koʻra, hozirda 4 ta metro bekati “Buyuk ipak yoʻli“, “Amir Temur xiyoboni“, “Paxtakor“ va “Beruniy“ metro bekatlarida hojatxonalar qurilishining 1-bosqichi boshlangan.
Yangi vagonlar kelishi bilan Chilonzor, Oʻzbekiston, Yunusobod va Yer usti halqa yoʻli yoʻnalishiga qoʻyiladi va poyezdlarning oraliq interval yanada kamaytiriladi.
