Toshkent shahrida ekiladigan daraxt va ekinlarni tabiiy iqlimdan kelib chiqib qayta koʻrib chiqiladi

Yashil sayyora 24 avg 2021, 17:51 2 430

“Shaharning hamma joyida koʻp suv talab qiladigan archa va “gazon” koʻpayib ketdi. Nahotki, oʻzimizning sharoitga mos koʻchat navlari bilan taʼminlash haqida hech kim bosh qotirmaydi? Misol uchun, ”gazon“ oʻrniga 12 oy koʻm-koʻk turadigan manzarali butalar, kashtan, qayin, zarang (klyon), lola daraxti ekish mumkin-ku?” - deb savol qoʻydi davlatimiz rahbari.

Shu munosabat bilan quyidagi vazifalar belgilandi:

- ikki hafta muddatda ilmiy asoslangan holda poytaxtning qaysi koʻchasida qanday daraxt va ekinlarni joylashtirish boʻyicha taqdimot qilish;

- yil yakuniga qadar Boʻzsuv suv inshootining boʻsh turgan 40 gektar maydonida “yashil hudud” tashkil etish;

- ikki oy muddatda poytaxtga yangi qoʻshilayotgan hududlarning 1,5 ming gektarida daraxtzorlar tashkil etish ishlarini boshlash;

- hududlarda yil yakuniga qadar aholi massivlarida 855 gektar maydonga ega “yashil maydon” hamda 585 gektar maydonda jamoat parklarini tashkil etish. Bunda ushbu hududlarni yer va mulk soligʻidan ozod qilish;

- daraxtlarni bino va inshootlar mulkdorlariga biriktirish va kadastr pasportini taqdim etish tizimini joriy etish.