Konferensiyada O'zbekistondagi barcha tibbiyot yo'nalishidagi oliy ta'lim muassasalari shuningdek, xorijdagi dunyoga mashhur tibbiyot oliy ta'lim muassasalari xususan, Buyuk Britaniya, Germaniya Federativ Respublikasi, Rossiya, Qozog'iston Respublikasi, Belarus, Qirg'iziston, Tojikiston, Respublikasi oliy o'quv yurtlari talabalari ishtirok etyapti.
Shuni alohida e'tirof etish o'rinliki, TMA bilan doimiy hamkorlikda faoliyat olib borayotgan Germaniya xalqaro hamkorlik jamiyati GIZ va KOFIH Koreya xalqaro sog'liqni saqlash jamg'armalarining mazkur nufuzli tadbirni tashkillashtirish va hamkorlikdagi ilmiy tadqiqot jarayonlarini takomillashtirishdagi xizmatlari beqiyos.
Bugun yosh olimlar va talaba yoshlar uchun ilmiy salohiyat yana bir bor sinovdan o'tadi. Yangi fikr va g'oyalar asosidani innovatsiyalar, zamonaviy yondashuvlar, biri birini takrorlamaydigan eksklyuziv yo'nalishlar, mutloq yangicha qarashlar bilimlar bellashuvining adolatli maydoniga ko'chadi.
O'ylaymizki, talabalarning jahon ilm-fanidagi faolligini oshirishga xizmat qiladigan mazkur anjuman kelajakda ham sinalgan tajribalarni o'rtoqlashish uchun qulay do'stona makon vazifasini o'taydi.
Bu esa respublikamiz fan va texnika taraqqiyoti rivojiga yosh olimlar, yangi iqtidorlar tomonidan qo'shilajak munosib hissadir.
Akademiya matbuot xizmati
