Bu haqda Yoʻl harakati xavfsizligi xizmati xabar berdi.
Xususan, 10-may kuni Boʻstonliq tumani hududidan oʻtgan 4P10 Chorbogʻ suv ombori halqa yoʻli avtomobil yoʻlining 80−70 kilometri (Chorbogʻ suv ombori koʻprigi) oraligʻida harakat cheklanadi.
11-may kuni esa quyidagi koʻchalar toʻliq yopiladi:
- Boʻstonliq tumaniga olib boruvchi 4P12 Bektemir-Chorbogʻ qoʻrgʻoni avtomobil yoʻlining 54-kilometridan (Gʻazalkent shahriga kirish) 75-kilometrigacha (“Bochka” ovqatlanish joylari) boʻlgan yoʻl;
- 4P6 Toshkent shahri-Chirchiq shahri-Chimyon avtomobil yoʻlining 52-kilometridan (Gʻazalkent futbol oʻyingohi) 56-kilometr (Glavasoy qishlogʻiga chiqish joyi) oraliqlari;
- 4P10 “Chorbogʻ suv ombori halqa yoʻli” avtomobil yoʻlining 80−82-kilometr oraliqlari (Chorboʻgʻ suv ombori koʻprigi va “eski bochka” oraliqlari).
13-mayda Boʻstonliq tumaniga olib boruvchi 4P12 Bektemir-Chorbogʻ qoʻrgʻoni avtomobil yoʻlining 34-kilometridan (Chirchiq shahriga kirish koʻprigi) 54-kilometriga (Gʻazalkent shahriga kirish) boʻlgan masofa yopiladi.
14-may kuni esa quyidagi yoʻllarda harakatlanish toʻliq cheklanadi:
- Boʻstonliq tumaniga olib boruvchi 4P12 Bektemir-Chorbogʻ qoʻrgʻoni avtomobil yoʻlining 17-kilometridan (Yangi Oʻzbekiston bogʻi atrofi) 75-kilometrigacha (“Bochka” ovqatlanish joylari) boʻlgan yoʻl
- 4P6 Toshkent shahri-Chirchiq shahri-Chimyon avtomobil yoʻlining 56-kilometridan (Glavasoy qishlogʻiga chiqish joyi) 72-kilometrigacha (Amirsoy dam olish maskani) boʻlgan yoʻl oraliqlari
- 4P10 Chorbogʻ suv ombori halqa yoʻli avtomobil yoʻlining 80−82-kilometr oraliqlari (Chorboʻgʻ suv ombori koʻprigi va “eski bochka” oraliqlari)da.
