Qayd etilishicha, monitoring natijalari 6 nomdagi mahsulot boʻyicha minimal narxlar oʻtgan oydagiga nisbatan pasayganligini koʻrsatdi.

Misol uchun kartoshkaning minimal narxi 26,1 foiz, qizil sabziniki 11,3 foiz, lavlaginiki 8,2 foiz, tuxumniki 7,8 foiz, sutniki 0,9 foiz, shakarniki 0,4 foiz pasaygan. Oʻtgan oyda kartoshka narxi oshganidan keyin Pokistondan kartoshka import qilindi va bu uning narxi pasayishiga olib keldi.

8 nomdagi mahsulot boʻyicha minimal narxlar oshgan. Ayniqsa, oqbosh karam narxida eng katta oʻsish qayd etildi. Bu mavsumiy omil bilan bogʻliq.

Bodring narxi ham sezilarli darajada oshgan, ammo oʻtgan yilning shu davridagiga nisbatan 30,0 foiz arzon.

7 nomdagi mahsulotning eng past narxlari oʻzgarishsiz qolgan. Bular — bugʻdoy uni, guruch, grechka, makaron, olma, banan, tovuq goʻshti (file).

Tahlil 2025-y. 9-yanvar va 6-fevral kunlari oʻtkazilgan monitoring maʼlumotlari asosida amalga oshirildi, — deyiladi xabarda.