Unda aytilishicha, hujjat Zelenskiy imzosi bilan qaytarilgan.

Qonunga ko'ra, harbiy holat davrida harbiy qism komandirining yozma roziligi bilan harbiy-tibbiy komissiya tomonidan yaroqli deb topilgan 60 yoshdan oshgan fuqarolar shartnoma bo'yicha xizmatga qabul qilinishi mumkin. Bunday shartnoma bo'yicha askarlar oddiy askarlar, serjantlar yoki kichik ofitserlar, shuningdek, kichik yoki katta ofitserlarning jangovar bo'lmagan lavozimlarini egallashlari mumkin.

Ular uchun shartnoma muddati yangi shartnomalar tuzish imkoniyati bilan bir yil etib belgilangan. Tegishli yoshdagi ofitserlar Ukraina qurolli kuchlari Bosh shtabi tomonidan nomzodlik majburiy tasdiqlanganidan keyin shartnoma imzolashlari mumkin bo'ladi.

Ushbu toifadagi fuqarolar uchun shartnomada ikki oylik sinov muddati ham belgilangan. Agar harbiy xizmatchi sinov muddatidan o'tmasa, shartnoma bekor qilinadi.

Harbiy holat tugatilgan yoki bekor qilingan taqdirda, bunday shartnomalar muddatidan oldin tugatiladi.

Fevral oyidan boshlab Ukrainada 18 – 24 yoshdagi, yoshiga qarab safarbarlik e'lon qilinmaydigan yoshlar uchun mamlakat qurolli kuchlarida ixtiyoriy ravishda xizmat qilishlari mumkin bo'lgan dastur mavjud. Ukrainada 25 yoshdan boshlab safarbarlik majburiy hisoblanadi.

25-iyul kuni Zelenskiy Rossiya harbiy operatsiyasi boshlanganidan keyin e'lon qilingan Ukrainada harbiy holat va safarbarlik muddatini uzaytirish to'g'risidagi qonunni imzoladi. Qonunga ko'ra, ikkala uzaytirish ham 7-avgustdan kuchga kiradi va 90 kun davomida, 5-noyabrgacha amal qiladi, deb xabar beradi rbc.ru.