Hujjatga qoʻra:
➖ 2022-yildan boshlab har ikki yilda bir marta sentyabr oyida Xalqaro kulolchilik forumi va koʻrgazma-savdosini oʻtkazish belgilanmoqda;
➖ Forum Qoʻqon shahrida har ikki yilda bir marta sentyabr oyida oʻtkaziladigan Xalqaro hunarmandchilik festivali bilan uygʻun holda oʻtkaziladi. Dastlabki Forum Fargʻona viloyatining Rishton tumanida tashkil etiladi;
➖ Forum doirasida “Anʼanaviy kulolchilikni saqlash va uni rivojlantirish: muammo va yechimlar” mavzusida ilmiy-amaliy konferensiya va boshqa tadbirlar tashkil etiladi;
➖ Forum hamda Oʻzbekiston Prezidenti qarorlari bilan tashkil etilgan boshqa xalqaro madaniy tadbirlar doirasida:
2022-yil 1-martga qadar qadar Forum rasmiy veb-sayti ishga tushiriladi, jumladan unda hunarmandchilik mahsulotlari va boshqa esdalik sovgʻalari realizatsiyasini tashkil etish imkoniyati yaratiladi;
muzey doʻkonlari, esdalik sovgʻalari savdo tarmoqlarining vakillari va xalqaro xaridorlar, mashhur kolleksionerlar tadbirlarga taklif etiladi;
xorijga olib chiqib ketish uchun badiiy ekspertizadan oʻtkazilishi talab etiladigan hunarmandchilik mahsulotlari va boshqa esdalik sovgʻalari ular sotib olingan kunda tadbirlar oʻtkazilayotgan joyning oʻzida toʻlov undirilmasdan badiiy ekspertizadan oʻtkaziladi.