Uchrashuvda 9-iyulda muddatidan ilgari boʻlib oʻtgan Prezident saylovi jarayonlari qizgʻin muhokama etildi. Oʻz navbatida, Eva Ernst-Dzedzich mamlakatimizda Prezident saylovi muvaffaqiyatli oʻtganini qayd etib, ovoz berish kuni u Samarqand viloyati va Toshkent shahridagi saylov uchastkalarida boʻlganini, saylovchilarning koʻpligini, ularning aksariyatini xotin-qizlar va yoshlar tashkil etganini alohida eʼtirof etdi.

D. Tashmuxamedova Eva Ernst-Dzedzichga Oʻzbekistonda Prezident saylovida xalqaro kuzatuvchi sifatida faol ishtirok etgani uchun minnatdorlik bildirib, keyingi yillarda oʻzaro hurmat va doʻstlikka asoslangan Oʻzbekiston-Avstriya munosabatlari ijobiy dinamika namoyon etayotganini taʼkidladi.

Uchrashuvda tomonlar parlamentlararo aloqalarni rivojlantirish, taʼlim, iqtisodiyot, turizm va boshqa sohalardagi hamkorlik masalalariga ham eʼtibor qaratdi, deb xabar beradi Oliy Majlis Senati matbuot xizmati.