Davlat xizmatini rivojlantirish agentligi axborot xizmatining maʼlum qilishicha, xalqaro reytinglarga kirgan xorijiy OTMlarni tamomlagan yosh mutaxassislarga bazaviy hisoblash miqdorining quyidagi miqdorida ustama toʻlanadi:

— Reytingda 1-100-oʻrin: bakalavr — BHMning 30 barobari (9 mln. soʻm), magistratura — 40 barobari, (12 mln. soʻm), ilmiy daraja uchun — 75 barobari (22,5 mln. soʻm).

— Reytingda 101-300-oʻrin: bakalavr — 20 barobari (6 mln. soʻm), magistratura 30 barobari (9 mln. soʻm), ilmiy daraja uchun — 60 barobari miqdorda (18 mln.soʻm).

— Reytingda 301-500-oʻrin: bakalavr — 15 barobari (4,5 mln. soʻm), magistratura — 20 barobari (6 mln. soʻm) va ilmiy daraja uchun — 50 barobari miqdorida (15 mln. soʻm) ustama beriladi.