Uchrashuvda texnik ko‘mak doirasida tashqi sektor statistikasini takomillashtirish bo‘yicha Markaziy bankning sa’y-harakatlari o‘zining ijobiy samarasini berayotganligi qayd etildi.
Shuningdek, to‘lov balansi va xalqaro investitsion pozitsiyasi ko‘rsatkichlarini shakllantirishga oid yo‘nalishlarida amalga oshirilishi lozim bo‘lgan chora-tadbirlar muhokama etildi.
Uchrashuvda xalqaro ekspertlarning taqdim etilgan tavsiyalari Markaziy bank faoliyatida muhim ahamiyat kasb etishi ta’kidlanib, har ikki tomon tashqi sektor statistikasini takomillashtirish yo‘nalishida hamkorlikni davom ettirishini bildirdilar, deb xabar beradi Markaziy bank matbuot xizmati.
