JR Hokkaido temir yo'l kompaniyasining ma'lumotlariga ko'ra, kuchli qor yog'ishi tufayli Hokkaydo orolida qariyb 1000 ta poyezd harakati bekor qilindi yoki kechiktirildi.
Temir yo'l operatorining ma'lumotlariga ko'ra, 25-yanvar kuni 545 ta, 26-yanvar kuni esa yana 405 ta poyezd harakati bekor qilindi yoki kechiktirildi. Shunday qilib, ikki kun ichida 950 ta poyezd harakati bekor qilindi yoki kechiktirildi. Bu esa 140 000 dan ortiq yo'lovchiga noqulaylikni yuzaga keltirdi. Kechikishlar 26-yanvar oqshomigacha davom etdi, deb xabar berdi report.az.
