Joriy yil 4-sentyabrda Jizzax viloyati Zomin tumani, Suffa 2400 platosida «MK Rally» xalqaro musobaqasi bo‘lib o‘tdi.
Tadbir O‘zbekistonga xorijiy sayyohlar oqimini oshirish hamda ichki turizmni yanada rivojlantirish maqsadida o‘tkazildi.
Musobaqa Jizzax viloyati Turizm boshqarmasi, «Zomin turistik rekratsion zonasi» DUK, O‘zbekiston avto-moto turizm assotsiatsiyasi hamda Rossiyaning «Dreamteam» avtoturizm jamiyati bilan hamkorlikda tashkil etildi.
Ushbu musobaqada Qirg‘iziston, Qozog‘iston, Rossiya, Belorus davlatlari vakillari ishtirok etdilar, deb xabar beradi Turizm qo‘mitasi matbuot xizmati.
“Zomin togʻlari” milliy tabiiy meros obyekti dastlabki nomzodnomasi YUNESKO ishlari boʻyicha Oʻzbekiston Milliy komissiyasi tomonidan YUNESKOning Butunjahon merosi markaziga yuborildi. YUNESKO mezonlariga muvofiq qabul qilingan nomzodnomalar ikki yil ichida koʻrib chiqiladi.
2022-yilning 17-oktabr kuni Toshkent – Samarqand – Toshkent yoʻnalishidagi yuqori tezlikda harakatlanuvchi “Afrosiyob” tezyurar poyezdi ilk marta Jizzax viloyatining Zomin tumanidagi Dashtobod bekatida toʻxtadi.
