Sizning uzoqni koʻra biladigan qatʼiy rahbarligingiz tufayli Oʻzbekiston iqtisodiy, ijtimoiy va siyosiy sohalarda sezilarli oʻzgarishlarga erishdi, xalqaro maydonda oʻz mavqeini salmoqli darajada mustahkamladi.
Siz boshlagan islohotlar — davlat boshqaruvi, sud-huquq tizimini takomillashtirish, yoshlar va xotin-qizlar uchun yanada keng imkoniyatlar yaratish, hududlarni rivojlantirish, qoʻshni mamlakatlar bilan yaqin aloqalarni mustahkamlash oʻz samarasini bermoqda.
Tashabbuslaringiz va ijobiy siyosatingiz nafaqat qardosh Oʻzbekiston xalqiga, balki butun Markaziy Osiyo mintaqasiga ijobiy taʼsir koʻrsatmoqda.
Qirgʻiz Respublikasi va Oʻzbekiston Respublikasi oʻrtasidagi doʻstlik, yaxshi qoʻshnichilik va oʻzaro qoʻllab-quvvatlash ruhini mustahkamlashga qoʻshayotgan shaxsiy hissangiz uchun Sizga chuqur minnatdorlik bildiraman.
Oʻrtamizdagi doʻstona munosabatlarimizni, ochiq va ishonchli muloqotimizni ham alohida qadrlayman.
Qardosh xalqlarimiz oʻrtasidagi yaqin va doʻstona munosabatlar, shuningdek, Qirgʻiziston va Oʻzbekiston oʻrtasidagi har tomonlama hamkorlik bundan buyon ham izchil mustahkamlanib, rivojlanib borishiga ishonchim komil.
Sizga, muhtaram Shavkat Miromonovich, mustahkam sogʻlik, bitmas-tuganmas kuch-gʻayrat, uzoq umr, oilaviy baxt-saodat, masʼuliyatli faoliyatingizda ulkan zafarlar, qardosh Oʻzbekiston xalqiga esa tinchlik-osoyishtalik va porloq kelajak tilayman.
Chuqur hurmat bilan,
Sadir Japarov,
Qirgʻiz Respublikasi Prezidenti
