Бул ҳаққында ЖДСШ басшысы Конго ДР пайтахты - Киншасуда мәмлекетлик
уйымлар ҳәм гуманитар шөлкемлердиң ўәкиллери менен ушырасыўлар өткергеннен соң
мәлим етти. Оның сөзлерине бола, вирустың тарқалыў көлеми епидемияға қарсы
илажларды сезилерли дәрежеде күшейтиўди талап етпекте, деп жазбақта “RuNews24”.
Халықтың медициналық жәрдемнен пайдаланыўын кеңейтиў, эпидемиологиялық
қадағалаўды күшейтиў, медицина хызметкерлериниң қәўипсизлигин тәмийинлеў,
қайтыс болғанлардың денелери менен қәўипсиз байланысларды шөлкемлестириў әҳмийетли
бағдарлар сыпатында атап өтилди.
Тедрос Аданом Гебрейесус
эпидемияға қарсы табыслы гүресиўдиң әҳмийетли шәрти халықтың исеними ҳәм
профилактикалық илажларда белсене қатнасыўы екенин атап өтти.
2026-жыл 15-май
күни республикамыздың шығысында Конго ДР тарийхында 17- мәрте Эбола безгегиниң
ҳәўиж алыўы дизимге алынды. 1-август күни ЖДСШ оның мәмлекет тарийхындағы ең
үлкен Эбола эпидемияларынан бири болғанын мәлим етти.
Соңғы
мағлыўматларға бола, инфекция жуқтырғанлар саны 3,7 мыңнан асқан, кеселликтен
қайтыс болғанлар саны кеминде 1,6 мың наўқасты қурамақта.
