Қарарға муўапық, Ташкент мәмлекетлик аграр университетин 2030-жылға шекем раўажландырыўдың тийкарғы мақсетли көрсеткишлери етип төмендегилер белгиленди:
Университеттиң халықаралық абырайын арттырыў ҳәм абырайлы халықаралық шөлкемлер рейтингиндеги жоқары билимлендириў шөлкемлериниң топ-500 дизимине киргизилиўине ерисиў;
илимий қолланбаларды коммерцияластырыўдан алынатуғын қаржылардың көлемин 3 есеге арттырыў;
халықаралық аккредитациядан өткен билимлендириў бағдарламаларының санын 4 есеге арттырыў.
2026/2027-оқыў жылынан баслап:
аграр жоқары билимлендириў мәкемелеринде белгиленген дизим бойынша билимлендириў бағдарлары бойынша кадрлар таярлаў системасы үш жыллық билимлендириў бағдарламалары тийкарында жолға қойылады. Бунда оқыў процесслеринде теориялық ҳәм әмелий сабақлардың үлеси төмендегилерди қурайды:
1-курста - 60 процент теориялық ҳәм 40 процент әмелий;
2-курста - 50 процент теориялық ҳәм 50 процент әмелий;
3-курста - 30 процент теориялық ҳәм 70 процент әмелий;
студентлердиң әмелий көнликпелерин беккемлеў мақсетинде кадрлар таярлаў бағдарлары ҳәм оқыў тараўларының өзине тәнлигинен келип шығып, университеттиң жоқары курсларында 4 ай мүддетке теориялық оқыўдан ажыратылған ҳалда үзликсиз дуаль билимлендириў тийкарында (студентлик әмелияты) шөлкемлестириледи.
