Мәмлекет басшылары Бухара қаласында бәсекиге шыдамлы таяр өнимлер ислеп шығарыўдың толық циклин жолға қойған "Нигора" компаниясының санаат майданына барды.
Баҳасы 35 миллион доллар болған бул жойбар 2024-жыл август айында табыслы иске қосылған. Бул жерде 840 адам турақлы жумыс пенен тәмийинленген болып, олардың көпшилигин ҳаял-қызлар қурайды.
Япония, Италия, Бельгия ҳәм Германиядан келтирилген жоқары технологиялық линиялар сыртқы базарларда исенимли бәсекилес болып, жылына 20 миллион погон метр таяр гезлеме ҳәм 1 миллион дана тигиўшилик өнимлерин ислеп шығарыў имканиятын бермекте.
Президентлерге таяр кийим ҳәм гезлеме үлгилери көрсетилди. «Shoyigul» саўда белгиси астында ислеп шығарылып атырған өнимлер тийкарынан Италия, Австрия, Уллы Британия ҳәм Германияға экспорт етилмекте.
Мәмлекет басшылары компанияның жыллық 10 миллион долларлық экспорт стратегиясын, синтетикалық талшықлар ҳәм аралас гезлемелерден таяр өнимлер ислеп шығарыўды кеңейтиў ҳәм иске қосыў режелерин жоқары баҳалады.
