Ушырасыў алдынан Америка ведомствосының басшысы мәмлекетимиз басшысына
АҚШ Президенти Доналд Трамптың қызғын сәлеми ҳәм ең жақсы тилеклерин жеткерди.
Өзбекстан менен АҚШ арасындағы стратегиялық шериклик қатнасықларын,
бәринен бурын, саўда-экономикалық тараўда және де беккемлеўдиң әҳмийетли
мәселелери көрип шығылды.
Исбилерменлер арасындағы байланыслар жеделлескени, өз-ара товар алмасыў
ҳәм инвестициялар көрсеткишлери турақлы артып атырғаны қанаатланыўшылық пенен
атап өтилди.
Жақында болып
өткен Ташкент халықаралық инвестициялық форум шеңберинде Америка бизнесиниң
қатнасыўында өткерилген дөгерек сәўбетиниң әмелий нәтийжелери додаланды.
Мәмлекетимиздиң
ЖСШға ағза болыўы шеңбериндеги бирге ислесиў ҳәм Америка тәрепиниң бул
процесслерди буннан былай да қоллап-қуўатлаўына айрықша итибар қаратылды.
Жаңа жойбар басламаларын
анықлаў ҳәм алға қойыў ушын Америка - Өзбекстан исбилерменлер ҳәм инвестициялар
кеңеси механизминен нәтийжели пайдаланыў әҳмийетли екени атап өтилди.
