Сол күни планета афелия, яғный Қуяштан ең узақласқан ноқатқа жетеди. Жер
менен Қуяш арасындағы аралық 152 093 251 км (1 0167 а.б.) болады.
Жер орбитасының эллипс тәризли болыўына байланыслы планетаның Қуяшқа
салыстырғандағы орны жыл сайын өзгерип турады. Январь айында Жер жулдызға
максимал жақынласады, июль айында болса оннан узақласады. 2026-жылы афелиядан
өтиў 6-июльге туўра келеди. Планетарийда атап өтилгениндей, бул сәнеде тек ғана
Жердиң орбита бойлап қозғалыс тезлиги ең киши емес, ал Қуяштың көринетуғын
диаметри де жыл даўамында ең киши болады.
Есап-санақларға
бола, 6-июль күни планетаның тезлиги 29,27 - 29,29 км/с, ал орбитаның Қуяшқа ең
жақын болған перигелий бөлиминде 30,27 - 30,29 км/с қа шекем артады.
Астрономлар бул айырмашылықты Кеплердиң екинши нызамы менен түсиндирмекте:
аспан денеси тартылыс орайына қанша жақын болса, оның тезлиги сонша жоқары
болады ҳәм керисинше, аралық артқан сайын тезлик төменлейди, деп жазбақта
“mir24.tv”.
