Атап өтилиўинше, тәреплер 2025-жылдың гүзинде Душанбе қаласында болып өткен
ушырасыўда еки мәмлекет президентлери тәрепинен ерисилген келисимлерге муўапық
компенсация төлеў мәселесин өз ишине алған келисимге келген, деп жазбақта РБК.
Атап өтилиўинше, ҳәдийсе Россия ҳаўа кеңислигинде ҳаўа ҳүжиминен қорғаныў
системасының "абайсызда иске қосылыўы" ақыбетинде жүз берген.
Ҳүжжетте атап өтилиўинше, әмелге асырылған қәдемлер Москва ҳәм Баку
аўқамласлық қатнасықлар шеңбериндеги бирге ислесиўди буннан былай да
раўажландырыўға өз-ара умтылысын тастыйықлайды.
Тәреплер Әзербайжан-Россия байланысларының буннан былай да беккемлениўи
жақсы қоңсышылықты раўажландырыў ҳәм еки мәмлекет халықларының мәплери жолында
өз-ара бирге ислесиўди кеңейтиўге хызмет ететуғынына исеним билдирди.
Сондай-ақ, авиақатнақта қайтыс болғанлардың жақынларына кеўил билдирди.
Авиаавария 2024-жыл 25-декабрьде жүз берген: "Баку - Грозний"
рейсин орынлап атырған самолёт Қазақстанның Ақтаў районында қоныўды әмелге
асыра алмаған ҳәм авиааварияға ушыраған. Оның бортында 67 адам болған, олардан
39 адам қайтыс болған.
