Өзбекстан Президенти Администрациясының басшысы Саида
Мирзиёева атап өткениндей, бул ўақыя мәмлекетимиз ушын айрықша әҳмийетке ийе.
Оның атап өтиўинше, соңғы 25 жылда бул миллий номинация Өзбекстан тәрепинен
бундай жоқары халықаралық статусқа ерисилген биринши номинация болды.
"Бул тек ғана айырым имаратлар емес, ал жер силкиниўден
кейин Ташкенттиң заманагөй архитектурасы, Орайлық Азия дәстүрлери ҳәм
климатымыздың өзгешеликлерин бирлестире алған жаңа келбети жаратылған пүткил
бир дәўирдиң қәдир-қымбатының тән алыныўы болып есапланады.
Бул Өзбекстан ушын үлкен жеңис ҳәм архитектуралық
мийрасымызды келешек әўладлар ушын қәстерлеп сақлаў жолындағы әҳмийетли
қәдем", - деп атап өтти Саида Мирзиёева.
