Хызметлер экспорты қурамында саяхат (туризм) тараўы жетекши орынды
ийелейди. Улыўма хызметлер экспортында оның үлеси 53,8 процентти қурады.
Сондай-ақ, хызметлер экспортында транспорт хызметлериниң үлеси 31,7
процентти, телекоммуникация, компьютер ҳәм мәлимлеме хызметлери 8,5 процентти,
исбилерменликке байланыслы басқа да хызметлер 2,9 процентти қураған.
Хызметлер экспортының ярымынан көби туризмге туўра келиўи тараўдың
мәмлекет экономикасындағы әҳмийети артып баратырғанынан дәрек береди. Атап айтқанда, сырт елли туристлер ағымының
көбейиўи, жаңа туристлик өнимлер ҳәм бағдарлардың қәлиплесиўи, заманагөй туризм
инфраструктурасының раўажланыўы туристлик хызметлер експортының және де
артыўына хызмет етпекте.
Бул көрсеткишлер
Өзбекстанның халықаралық туризм базарындағы потенциалын және де кеңейтиў, сырт
елли туристлер ушын бәсекиге шыдамлы ҳәм сапалы хызметлер усыныў, сондай-ақ,
туризмниң мәмлекет экономикасындағы үлесин избе-из арттырыўға қаратылған
реформалардың әҳмийетли нәтийжелеринен бири болып есапланады.
