Сөйлесиўде тәреплер өз-ара исеним ҳәм стратегиялық шериклик принциплерине тийкарланған Өзбекстан - Германия қатнасықларының жоқары дәрежесин атап өтти. Еки тәреплеме бирге ислесиўге турақлы пәт бағышлап атырған жоқары дәрежедеги жедел сиясий сөйлесиў әҳмийетли екени атап өтилди.
Парламентлераралық бирге ислесиўди және де тереңлестириў, соның ишинде, тараўлық комитетлер, бирге ислесиў бойынша топарлар арасындағы байланысларды жеделлестириў ҳәм өз-ара сапарларды шөлкемлестириў перспективалары көрип шығылды.
Саўда-экономикалық, инвестициялық байланысларды раўажландырыў, билимлендириў, мәденият ҳәм денсаўлықты сақлаў тараўларындағы бирге ислесиў бойынша пикир алысылды.
Ушырасыў жуўмағында Өзбекстан ҳәм Германия арасындағы өз-ара пайдалы байланысларды буннан былай да раўажландырыўға келисип алынды.
