Сөйлесиўлер ўақтында тәреплер тийкарғы тараўларда, соның ишинде, санаат машина қурылысы, аўыл хожалығы ҳәм зергерлик тармақларында бирге ислесиўди кеңейтиўге таяр екенин билдирди. Ағашты қайта ислеў, гөш ҳәм сүт өнимлерин, аўыл хожалығы техникасын ислеп шығарыў бойынша жаңа қоспа жойбарлар додаланды.
Өз-ара саўданың өсиўине айрықша итибар қаратылды: 2025-жылдың жуўмағы бойынша Гомель ўәлаятының Өзбекстан менен товар алмасыў көлеми 50 миллион долларды қурады, 2026-жылдың январь айында товар алмасыўдың 1,5 есеге өсиўи атап өтилди.
Ушырасыў жуўмағында тәреплер бирге ислесиўди және де тереңлестириў бойынша биргеликтеги илажлар режесин ислеп шығыўға, сондай-ақ, жаңа басламаларды толық ислеп шығыў ушын Өзбекстан делегациясының Беларусқа сапарын шөлкемлестириўге келисип алды.
