Бул реформаның мақсетлери елимизде билимлендириў, тәрбия ҳәм илимниң бирден-бир системасын заман талаплары тийкарында шөлкемлестириў, билимлендириўдиң сапасын ҳәм нәтийжелилигин арттырыў, инсан капиталын раўажландырыў бағдарындағы жумысларды жаңа басқышқа көтериўден ибарат.
Барлық билимлендириў түрлери арасында өз-ара интеграция ҳәм избе-изликти тәмийинлеў, мектепке шекемги билимлендириўден баслап жоқары билимлендириўге шекемги барлық басқышларды ҳәм илимий жумысты қамтып алған бирден-бир нәтийжели басқарыў системасын енгизиў, системаның жәмийетшилик алдындағы есап бериўин арттырыў нәзерде тутылмақта.
