Шыпакер ўақыя анықламалары ҳаққында Денсаўлықты сақлаў министрлиги Баспасөз хызметине эксклюзив интервью берди.
Министрликтиң Баспасөз хызметиниң мәлим етиўинше, Ҳасан Камилов Самарқанд қаласындағы жеке меншик клиниканың басшысы, Ташкент мәмлекетлик медицина университетиниң излениўшиси болып есапланады. Ҳәзирги ўақытта Корея Республикасының Чхунбук университетинде тәжирийбе арттырмақта.
Мәлим болыўынша, пәрўаз ўақтында жолаўшы ҳаялдың аўҳалы тосыннан аўырласқан. Экипаж тез медициналық жәрдем көрсетиў ушын шыпакер шақырған.
Ҳасан Камилов наўқасқа жәрдем бериўге асыққан. Ҳаял аўыр шок жағдайында болып, денеси суўыған ҳәм көгериў белгилери бақланған.
Шыпакер өзи менен алып жүретуғын қыстаўлы медициналық жәрдем қураллары, сондай-ақ, "Өзбекстан ҳаўа жоллары" экипажы тәрепинен усынылған кислород нықабы ҳәм медициналық үскенелер жәрдеминде наўқасқа зәрүр жәрдем көрсеткен. Нәтийжеде ҳаялдың өмири сақлап қалынған.
"Бул — қаҳарманлық емес, ал шыпакерлик миннетимиз ҳәм ҳәр күндеги машақатлы мийнетимиздиң бир бөлеги", — дейди Ҳасан Камилов.
