28-октябрь күни Маттала Ражапакса халықаралық аэропортында Ташкенттен келген биринши пәрўаз 160 жолаўшы менен күтип алынды. Биринши самолёт халықаралық авиация дәстүрлерине муўапық суў аркасы арқалы күтип алынды ҳәм рәсмий мәресим шөлкемлестирилди.
Жаңа авиақатнаў Өзбекстанның Қубла Азия менен транспорт байланысларын кеңейтиў, еки мәмлекет арасында саўда, инвестиция ҳәм туризм имканиятларын арттырыўға хызмет етиўи күтилмекте.
Сондай-ақ, бул жөнелис Шри-Ланка ҳәм Орайлық Азия мәмлекетлери арасында Өзбекстан арқалы қолайлы авиақатнаўларды тәмийинлеў имканиятын береди.
"Ташкент-Маттала-Ташкент" жөнелиси бойынша тиккелей рейслер 2027-жыл март айының ақырына шекем ҳәптесине еки мәрте — сәршемби ҳәм шемби күнлери әмелге асырылады.
Жаңа жөнелистиң ашылыўы Өзбекстан ҳәм Шри-Ланка арасындағы байланысларды беккемлеў, туристлер ағымын көбейтиў ҳәм еки мәмлекет арасындағы бирге ислесиўди раўажландырыўда әҳмийетли қәдем болыўы мүмкин.
